O Concello de Culleredo organiza o mércores 16 , ás 20.30 h, no Xardín Botánico, o acto de presentación do poemario "O canto do galo" e da novela "Alma María. Historia de una amistad", e a inauguración da exposición Curvando trazos, de Alfredo Vázquez Casal. A exposición permanecerá aberta ao público ata o 16 de xuño de 2012.
O centro comercial Coruña The Style Outlets, ubicado en Alvedro, conta desde os últimos días cun expositor con información turística do Concello. O edil de Dinamización Local, Isidro Taibo, considera que os clientes do outlet, procedentes de toda Galicia, son visitantes potenciais de Culleredo e por iso apostou por ofrecer alí información turística.
O Burgo acollerá do 25 ao 29 de xuño, primeira semana de vacacións escolares, o IX Campus de Baloncesto "Verán Culleredo", organizado polo Clube Baloncesto Culleredo, en colaboración co Concello e con Gadis Híper do Burgo. Os pequenos, ademais do deporte, desfrutarán de actividades acuáticas ou xogos no horario de 8.30 a 19.00 horas que permite a actividade.
As redes de saneamento de Culleredo manteranse con tecnoloxía de última xeración. A nova unidade móbil de inspección de redes de colectores está dotada cunha cámara robotizada, tan avanzada no mercado que é a primeira da súa clase que se adquiriu en España. Este robot introdúcese nos colectores e vainos percorrendo para ver o estado e reparar avarías.
O Concello de Culleredo informa do proceso a seguir para os interesados en participar nos Campamentos Deportivos da Deputación da Coruña 2012. O prazo de inscrición estará aberto até o 1 de xuño. A quenda para os cullerdenses será do 15 ao 21 de xullo.
O Concello de Culleredo acondicionará a entrada á Zapateira desde a parroquia de Orro. Trátase da estrada que parte desde o núcleo de Figueiras, que presenta un estado bastante deteriorado polo seu uso. A obra consistirá na pavimentación completa da estrada e custará 40.000 euros.
O II Descenso ao Xalo celebrarase o domingo, concluíndo a proba en Celas de Peiro. O sábado terán lugar os adestramentos ao longo do percorrido que baixa do monte Xalo. Espérase a participación de máis de 200 deportistas.
Culleredo acolle desde este venres 27 de abril a mostra de
esculturas que, baixo o título Ex umbra in solem II, presenta o artista Javier Aguilera Navarro. A exposición permanecerá aberta ao público ata o 26 de maio.
O Conservatorio de Culleredo albergará esta fin de semana a representación da compañía de teatro e danza El Ruiseñor, de Culleredo, que presentará a comedia grega "Tesmoforias". Os pases serán o sábado 28 de abril ás 20:30 horas e o domingo 29 ás 19:00 horas. As entradas están á venda na tenda ATHICUS de Acea de Ama.
O Concello abríu o novo centro social de Castro (Vilaboa), unha dependencia levantada para responder as peticións dos veciños e da asociación cultural do núcleo. Trátase dun centro multifuncional no que combinará espazos para o uso social como para usos múltiples. O investimento na construción deste novo centro social superou os 260.000 euros.
Os artesáns interesados en participar na Mostra de Artsanía, que se celebrará o 17 de maio na praza de Europa do Burgo, xa poden formalizar a súa inscrición. O data límite é o 14 de maio para os 30 postos existentes.
A acción que realizan as dúas entidades quere achegar o coñecemento da enfermidade de Parkinson á poboación, ademais de dar a coñecer os servizos de atención que acolle Culleredo. A campaña iníciase coa instalación dunha mesa informativa no centro comercial Gadis Hiper de O Burgo.
As salas de lectura municipais alcanzan os 7.600 socios coa ampliación do funcionamento da biblioteca do Burgo, demandada polos propios usuarios. A concelleira de Cultura, Alicia Ferreiro, celebra o interese que esperta a lectura, promovida nos pequenos coa Dragona Ramona.
As persoas con discapacidade intelectual do centro ocupacional municipal convertéronse en mestres para ensinar aos nenos a reciclar papel. O obradoiro forma parte dun programa impulsado polo departamento que dirixe Raquel Jabares para “conxugar as actividades para os nenos dos colexios coa formación ocupacional dos usuarios da Escada”.
Os axentes verifican que a utilización das prazas marcadas como aparcadoiro exprés rota de forma continua, obxectivo primario da medida adoptada polo Concello de Culleredo para favorecer as xestións curtas no Burgo. O goberno local pide aos usuarios que sinalicen a hora de chegada para propiciar un control efectivo do estacionamento.
O Concello de Culleredo inicia o ciclo de charlas: “E ti que contas?...”, que ten como obxectivo informar e orientar ás mulleres sobre determinadas problemáticas que lles afectan como colectivo. As xornadas comezarán o mércores 18 de abril cunha charla da psicóloga do Concello sobre a menopausia.
O 14 de abril cúmprense 81 anos da proclamación da Segunda República en España. O Concello de Culleredo conmemora esta data lembrando os persoeiros e aspectos máis relevantes relacionados co municipio.
O Concello conmemorou o bicentenario da Constitución de Cádiz coa celebración do seu primeiro pleno xuvenil. Más de 100 alumnos de 4º de ESO do Blanco Amor elevaron propostas e preguntas que contaron coa participación do alcalde, Julio Sacristán.
A Aula de Natureza do Burgo recibe unha exposición de fotografías de José Manuel Fachal, topógrafo e proxectista. A mostra permanecerá aberta ao público desde o venres 13 de abril, cando se inaugurará por parte da Concellaría de Cultura, ata o 8 de maio de 2012.
O Concello abre desde o día 16 de abril o prazo de inscrición para os campamentos de verán 2012. A oferta abarca diferentes posibilidades que cubren desde o fin das clases en xuño co obxecto de proporcionar unha alternativa de lecer aos rapaces e un servizo de conciliación ás familias.