Requisitos:

• Ter recoñecida unha PNC de xubilación ou invalidez na data da solicitude e na de resolución. 
• Carecer de vivenda en propiedade. 
• Ser titular do contrato de arrendamento da vivenda na data da solicitude. 
• Non ter relación de parentesco ata o 3º grao co arrendador da vivenda alugada. (Organigrama de parentesco)
• Ter fixada a súa residencia habitual na vivenda alugada.

Se na mesma vivenda alugada conviven dúas ou máis persoas que tiveran recoñecida a PNC, so terá dereito a este complemento aquel/aquela que sexa titular do contrato de arrendamento ou, de ser varios, o primeiro deles.
Enténdese que a vivenda é domicilio habitual cando a vixencia do arrendamento non sexa inferior a un ano e teña residido na mesma durante un período mínimo de 180 días inmediatamente anteriores á data da solicitude. 

Contía:
A contía do complemento para o ano 2010 é de 525 euros anuais, que se fará efectivo nun pagamento único, que se fará efectivo con anterioridade ao 31 de decembro de 2010. 

Documentación:

• Solicitude (Ver formulario)
•  Certificado catastral telemático que acredite a carencia de vivenda en propiedade. 
• Fotocopia cotexada do contrato de arrendamento no que figure a localización da vivenda, a identificación do arrendador e do arrendatario e a duración do contrato. No caso de inexistencia de contrato, outro medio de proba válido en dereito. 
• Certificado de empadroamento. 
• Declaración responsable do/da pensionista na que conste que o/a arrendador/a ou arrendadores da vivenda alugada non teñen con él relación de parentesco, por consanguinidade, adopción ou afinidade, ata o 3º grao.

Lugar de tramitación:

• Servizos Sociais municipais ou no Centro de Saúde.
• Departamentos Territoriais da Consellería de Traballo e Benestar
  

Prazo de presentación:

Ata o 31 de decembro do ano en curso.
A resolución deberá ditarse e notificarse no prazo máximo de 3 meses dende a data de entrada en rexistro da solicitude.