O Concello de Culleredo e a Asociación Galega de Apicultura presentarán mañá, venres 26 de outubro, o primeiro Apiario Urbano da comunidade galega. Situarase no Burgo, no xardín botánico.

Pola maña realizarase a presentación aos medios de comunicación. Pola tarde celebrarase a inauguración ao público, a partir das 20.00 horas.

O acto será de entrada libre. Os asistentes poderán participar nunha cata-degustación do mel e nunha esmelga.

A cultura da creación de apiarios urbanos está comezando a desenvolverse. En cidades coma Chicago, New York, ou París empezou hai meses. Culleredo será pioneiro en Galicia.