O público xa pode visitar ata o 4 de marzo a exposición colectiva "Un mundo sen nós" na aula de Natureza do xardín botánico do Burgo. Trátase da primeira vez que ve a luz este traballo dun grupo de 13 alumnos da Escola Superior de Deseño "Pablo Picasso", da Coruña.
Ademais da Cabalgata dos Reis Magos, as Súas Maxestades visitarán o xoves, 5 de xaneiro, aos cativos en diferentes centros sociais das parroquias.
O Concello de Culleredo organiza un ano máis un campamento urbano de Nadal, para propoñer unha alternativa de ocio educativo nas vacacións escolares. O prazo de matrícula comprenderá entre o 1 e o 13 de decembro.
O Concello de Culleredo publica a programación infantil para o mes de novembro. Ofrécese unha ampla variedade de actividades de animación á lectura, obradoiros e contos. O novo centro cívico de Fonteculler xa acolle unha actividade de cociña.
O Concello de Culleredo publica as listaxes coas vacantes nas actividades culturais, deportivas e de benestar convocadas para a tempada 2016-2017. As persoas interesadas en optar a elas poden facelo desde o venres 7 ao martes 11 de outubro, en rigorosa orde de inscrición.
O Concello de Culleredo estrea programación infantil das bibliotecas con novidades en canto ás actividades, os horarios e os lugares. O goberno municipal dispón un programa ampliado, tendo en conta o éxito crecente que se rexistra nestas iniciativas, co que pretende seguir animando aos máis pequenos do municipio a adquirir hábitos de lectura.
O paseo marítimo do Burgo será escenario mañá venres, día 16, e o sábado 17, do festival-romaría que organiza a agrupación Catalmibre Tradicional, en colaboración co Concello de Culleredo. Baixo a denominación de "Folk n Cros", trátase xa dunha proposta consolidada na comarca e que atraerá por centos de persoas ao municipio.
O Concello de Culleredo comeza este venres, 9 de setembro, a súa tempada de exposicións culturais. Como vén sendo habitual, o Concello ofrece unha exposición mes a mes para levar as distintas manifestacións artísticas aos cidadáns de Culleredo.
Culleredo celebra esta semana a cuarta edición do Campus de Patinaxe Inclusivo, iniciativa do club Aura en colaboración co Concello e que conta co Premio á Intregación Social mediante o Deporte, concedido pola Fundación María José Jove en 2014.
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER