Os días 4, 5 e 6 de xullo celebrarase nas inmediacións do Paseo marítimo do Burgo o primeiro Mercado Templario do Burgo de Faro.

Ao longo destes tres días, poderase gozar de actividades diversas, entre as que haberá un curruncho infantil, pensado para os máis cativos, unha exhibición e exposición de cetraría con aves de moi diversos tipos, un ferreiro, un soprador de vidro, cantaría, ademais de numerosos postos de artesanía e diferentes actuacións musicais e teatrais que levarán ás persoas asistentes á época na que os templarios estaban instalados en Culleredo, no lugar que entón recibía o nome do Burgo de Faro.