Nace a Big Band do Conservatorio Municipal de Música de Culleredo. O venres 15 de xuño presentaranse ante o público no Concerto de Fin de Curso do centro de ensino radicado no Burgo, que terá lugar a partir das 19.30 horas no auditorio do Conservatorio.

A Big Band, a diferenza da orquestra do Conservatorio, está orientada ao música jazz. Aglutina instrumentos como a batería, o baixo, a guitarra eléctrica, o piano ou metais como as trompetas. Ofrece un repertorio de artistas como Charlie Parker.

A Big Band está composta por 17 artistas de 13 a 18 anos de idade e dirixida polo profesor Iván Doval. Neste caso, configúrase en colaboración con Presto Vivace, entidade coa que traballa de forma habitual o Conservatorio Cullerdense.

Antes que a Big Band actuará a Orquestra do Conservatorio, que ofrecerá por primeira vez un repertorio de concerto completo, conseguido grazas ao tres anos de vida e de actividade que ten. Está tamén conformada por alumnos do grao profesional, de 13 a 18 anos de idade e dirixida polo profesor Antonio Suárez.

O concerto comezará ás 19.30 horas. A entrada será libre até completar o aforamento.