A avenida Electo Carballo recupera o seu estado orixinal tras as obras de Emalcsa

Os traballos na mellora do sistema de abastecemento de auga da Coruña e a comarca realizados por Emalcsa afectaron especialmente á avenida de Electo Carballo. Foi necesario durante meses abrir gabias para acometer as obras, o que deixou a calzada notablemente deteriorada.

A pesar de que en breve prazo o Concello de Culleredo, levará a cabo, tras o convenio subscrito coa Xunta de Galicia, unha profunda remodelación da vía, o goberno local considerou adecuado a reposición dos servizos da estrada, executado pola propia empresa adxudicataria da obra de Emalcsa.

Hai dúas semanas comezou o asfaltado de toda a avenida, entre O Portádego e Fonteculler. Agora ultímase o pintado da calzada, incluíndo os pasos de peóns de vías perpendiculares.

O goberno de Culleredo apostou por estes traballos con obxecto de ofrecer un servizo adecuado, en condicións de seguridade, aos veciños da contorna, que tiveron que soportar tamén a obra. Así mesmo, é necesario o proxecto, considera o goberno local, para "beneficiar a actividade comercial da avenida e a súa contorna".

Esta mellora do firme será o paso previo á renovación da vía con obxecto de incrementar a seguridade viaria para os peóns. A actuación terá un orzamento de 240.000 euros e servirá para a dotación de beirarrúas e de servizos para os residentes.

A obra consistirá na construción de beirarrúas na marxe dereita da estrada en sentido O Portádego, nunha lonxitude de 700 metros. As beirarrúas terán unha sección variable, cun mínimo de 1,50 metros, baixo a que se instalarán os tubos para os diferentes servizos.

O proxecto incluirá tamén a instalación de rede de recollida de pluviais, con sumidoiros cada 50 metros. Prevese ademais, como medida para reducir a velocidade dos vehículos, a creación de pasos de peóns elevados. Ademais, a avenida disporá de nova pavimentación e estreará  paradas de autobús. Tamén se renovará a sinalización horizontal e vertical.

O Concello traballa na elaboración dos pregos para a contratación. Estímase que podería desenvolverse a obra no primeiro semestre de 2014.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina