O Concello executa a remodelación da rúa Estreita de Vilaboa

Coa intención de modernizar as infraestruturas básicas, o Concello de Culleredo executa os traballos de remodelación da rúa Estreita, en Vilaboa. Trátase dunha vía situada ao final do núcleo de Vilaboa, en dirección aeroporto, e que alberga nas súas marxes a numerosas vivendas de carácter unifamiliar.

Con obxecto de mellorar os servizos para os veciños, o goberno de Culleredo decidiu levar a cabo esta reforma. O proxecto conta cun orzamento de 69.000 euros, financiados pola Deputación da Coruña.

A obra consiste, en primeiro lugar, na renovación da pavimentación da rúa. O paso do tempo fora deteriorando o firme, que agora será cambiado na súa totalidade para ofrecer aos residentes un acceso seguro ás súas vivendas.

En segundo lugar, o proxecto dotará de rede de recollida de pluviais á rúa. Desta forma, nas épocas de choivas, evitarase a posible acumulación de auga, coas incomodidades que iso adoita xerar.

Os traballos atópanse en fase de execución. Isto implica cambios no acceso á rúa, que se debe efectuar desde a estrada provincial da Hermida, a que conecta Vilaboa con Tarrío.

O Concello sinalizou debidamente esta modificación para informar os usuarios da forma de entrar na rúa Estreita, que habilita a chegada a outras vías, como Canle Bieito.

Ademais, o Concello informa da conclusión das obras na rúa Vasco de Aponte, situada a pouca distancia, no inicio da costa da Hermida. O goberno local decidiu remodelar o firme da calzada, que tamén permite o acceso a numerosas vivendas.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina