O Concello de Culleredo leva a música ás rúas do municipio. Un novo programa cultural do Concello difune a música instrumental por lugares concorridos con paso elevado de xente.

Baixo a frase "A música sae á rúa", a Concellería de Cultura programa tres actuacións no Burgo. A programación é a seguinte:

• Martes 27 de maio, 20.00 horas. Xardín Botánico do Burgo: Quinteto de vento "Zoar Ensemble".
• Xoves 5 de xuño, 20.30 horas. Praza de Europa do Burgo: Banda do Conservatorio "Xan Viaño" de Ferrol.
• Venres 6 de xuño, 20.30 horas. Praza de Europa do Burgo: Orquestra do Conservatorio de Culleredo.

A concelleira de Cultura, Alicia Ferreiro, explica que a finalidade da iniciativa consiste en "achegar música instrumental de calidade á cidadanía". A edila destaca a "excelencia" do traballo destas agrupacións, polo que anima aos veciños a desfrutar dos recitais con detenimento.