Animación na rúa e descontos na Noite Branca que organiza o Concello o venres

O Burgo prepárase para acoller o venres, 18 de xullo, a súa propia Noite Branca, iniciativa do Concello de Culleredo e da Asociación de Comerciantes de Culleredo para incentivar a chegada de clientes ao comercio local. Un amplo programa de actividades e animación dinamizará as compras nos negocios, que ofrecerán os seus descontos ao público.

A Noite Branca desenvolverase no centro urbano do Burgo. Participarán máis de 20 negocios na contorna da praza de Europa, rúa Sanjurjo de Carricarte, rúa Hersa, avenida de Acea de Ama e avenida de Galicia, que abrirán as súas portas no horario especial ata a medianoite.

O programa de animación do Concello comezará xa desde as 17.00 horas na praza de Europa, con iniciativas especialmente pensadas para os nenos. De 17.00 a 20.00 horas estarán a funcionar os inchables e os xogos populares. Ás 18.00 horas haberá un taller de recortables e ás 19.00 horas outro de globoflexia e maquillaxe. As actividades na praza de Europa concluirán ás 20.00 horas cunha festa de animación.

Nas rúas peonís Hersa e Sanjurjo de Carricarte comezará oficialmente a Noite Branca ás 20.00 horas, coa animación dun speaker. Ao longo da noite haberá animación radiofónica, música en vivo, teatro na rúa, flash-mob, e danzas contemporánea e hindú.

Cabe destacar a exhibición de tango arxentino ás 22.00 horas e o concerto dos Frikipaldis ás 23.20 horas. Ambos os actos serán na praza Sanjurjo de Carricarte. E non faltarán uns personaxes moi especiais que animarán aínda máis a noite do Burgo.

Ademais, desde as 20.30 horas funcionará un posto de flocos de millo, gratuíto para as persoas que compren na zona comercial ou acudan a un establecemento de hostalaría.

O concelleiro de Desenvolvemento Socioeconómico, Juan Carlos Iglesias Lovelle, explica que esta edición ten un compoñente musical e escénico máis forte que anos anteriores para animar á xente a coñecer o comercio local, do que destaca o seu "calidade e ampla variedade". O edil convida os cidadáns a acudir en familia, dado que haberá opcións para todos os gustos.

"É momento de esforzarnos e apoiar ao máximo a un sector comercial máis próximo e desde o Concello tratamos de colaborar sempre", apunta.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina