O Concello de Culleredo celebra, a petición dos delegados parroquiais, reunións técnicas cos maiores do municipio. Terán lugar con obxecto de analizar as próximas actividades e poder escoitar as propostas e ideas dos veciños.

A técnica municipal encargada da área de maiores será a que asista a estes encontros, que se manterán en todas as parroquias para favorecer a asistencia dos veciños. O calendario é o seguinte:

• Boedo: luns 13 18:00.Centro Social
• Celas: luns 13 20:30. A Torre
• Bregua: martes 14 17:00. Centro Social
• Fonteculler: martes 14 18:15. Centro Social
• Sueiro: mércores 15 18:15. Centro Social
• Castelo: mércores 16 19:30. Centro Social
• Sésamo: xoves 16 17:30. Centro Social
• Tarrío: xoves 16 19:30. Concello (salón de plenos)
• O Burgo: luns 20 18:30. Centro Social Costa da Lonxa
• Orro: martes 21 11:00. Centro Social
• Vilaboa: martes 21 17:15. Pazo de Vila Melania
• Ledoño: mércores 22 19:30. Centro Cultural
• Almeiras: luns 27 19:15. Centro Cultural

Entre os temas previstos a abordar atópanse a organización de clausura de actividades deste curso, que será o martes 28 deste mes, e a planificación da programación de verán e da tempada 2016-2017.

O Concello sinala que os encontros son de acceso libre á cidadanía, con obxecto de que coñezan os programas municipais específicos para maiores e poidan participar realizando achegas.