Máis dun millar de canarios na exposición que acollerá a Aula de Natureza

O Concello de Culleredo recibe un ano máis o Concurso-Exposición de Ornitoloxía organizado pola Sociedade Coruñesa de Canaricultura. Terá lugar entre o 18 e o 27 de novembro na aula da Natureza "Juan Lembeye" do Xardín Botánico do Burgo.
 
Máis dun milleiro de canarios, de diferentes tipos, cores ou tamaños poderanse atopar no Burgo. Os exemplares estarán todos clasificados para facilitar aos asistentes a súa observación.
 
Os canarios serán recibidos mañá e o sábado. O público poderá velos desde o luns en horario de 18.00 a 21.00 horas, e o sábado tamén pola mañá de 11.00 a 13.00 horas. O domingo 27 ás 12.00 horas terá lugar o acto final e entrega de premios.
 
A iniciativa conta coa colaboración do Concello de Culleredo e está patrocinada pola Deputación da Coruña. 
 
Os valores de respecto ás aves e á natureza preténdense inculcar no alumnado das escolas da comarca coruñesa, participantes no concurso de debuxo que se organiza en paralelo. Os debuxos estarán tamén expostos na aula de Natureza. O seu tema principal son os paxaros e a natureza.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina