Durante o mes de agosto o Concello de Culleredo organizará os obradoiros de arte 'Verán creativo' para nenos, que estarán impartidos pola artista Luisa Valdés.

A actividade esta dirixida a nenos e nenas con idades comprendidas entre os 7 e os 14 anos e está  diseñada en dúas quendas: do 20 ao 24 de agosto no Centro Cívico Fonteculler e do 27 a 31 do mesmo mes no Edificio de Servizos Múltiples do Burgo. 

Levarase a cabo de 10:30 a 12:30 horas e cada día os máis pequenos poderán coñecer a vida e obra dun artista: Abraham Lacalle, Yoyoi Kusama, Juan Usle, Granell e Maruja Mallo. Ademais, realizarán as súas propias obras, cheas de 'color, emoción e arte'.

Hai un total de 20 prazas e o prazo de matrícula vai do 23 de xullo ao 3 de agosto. Terán preferencia os empadroados en Culleredo. Adxúntase o tríptico para a inscrición.