O sábado 20 de outubro terá lugar, no Xardín Botánico do Paseo Marítimo da ría do Burgo, o II Memorial "Tino Poza" de artes plásticas. As inscricións poderán realizarse o mesmo día de 9:00 a 11:00 horas na Aula de Natureza "Juan Lembeye" do Xardín Botánico do Burgo.

Poderán participar todas as persoas que o desexen, con temática "O concello de Culleredo e o seu patrimonio natural e monumental".

As obras deberán ser pintadas en directo. Haberá premios para as categorías de adultos (18 anos en diante), xuvenil ( de 12 a 17 anos) e infantil (de 6 a 8 anos e de 9 a 11 anos). Podedes consultar as bases no arquivo adxunto desta nova.