O Concello de Culleredo e a Cruz Vermella organizan unha campaña solidaria de recollida de xoguetes. O obxectivo é conseguir xoguetes e agasallos para os nenos de familias sin recursos e ofertar, á súa vez, unha canle para a solidariedade veciñal. Ata o venres 14 de decembro estarán habilitados puntos de doazón de xoguetes nos diferentes centros de ensino de Culleredo. Tamén estará dispoñible para o depósito dos mesmos, o local da Cruz Vermella da Barcala, no Concello de Cambre. Os xoguetes deben ser novos, non sexistas e tampouco de carácter bélico.