Nos distintos centros sociais do Concello de Culleredo, desenvolveranse actividades propias do Entroido. Neste caso, estamos a falar de festas infantís con obradoiros de maquillaxe. 

O día 2 de marzo, no centro social Ledoñés e no centro cívico de Orro, haberá actividades de 18:00 a 20:00 horas. 

O día 3 de marzo, o centro cívico Castro-Laxe acollerá estas actividades de Entroido, de 17:30 a 19:30 horas. 

O día 5 de marzo, o centro cultural Torre de Celas abrirá as súas portas de 18:00 a 20:00 horas para que se desenvolvan os eventos propios de Entroido.

Por último, no centro social de Almeiras, terá lugar o 9 de marzo de 18:00 a 20:30 horas as actividades de Entroido.