As obras de mellora dunha das condicións principais de Emalcsa suporán un corte de tráfico na avenida Ribados. As tubaxes afectadas canalizan toda a auga da cidade da Coruña e boa parte da que se consume na súa área metropolitana. 

Emalcsa avanzará nas obras de renovación dunha das conducións centrais da súa rede de subministro este luns, na contorna da Universidade Laboral, en Culleredo. Estes traballos suporán un corte de tráfico na Avenida Ribados, preto do cruce coa avenida de Rutis, que terá unha duración máxima de seis semanas. 

A circulación desviarase pola parcela anexa, o que permitirá manter aberto o tráfico nos dous sentidos. Deste xeito, melloraranse dúas tubaxes principais, que serán renovadas para facelas máis resistentes. 

Desde o Concello de Culleredo, pedimos desculpas polas molestias que poidan ocasionar estes traballos.