ES / GL

Culleredo organiza unha actividade de Escape Room gratuíta para o sábado 16 de novembro

8 Noviembre, 2024. 12:40

A área de Xuventude do Concello de Culleredo organizará unha actividade de Escape Room gratuíta para o sábado 16 de novembro. Será nun local da Coruña e a actividade incluirá tamén o transporte, que partirá desde praza Europa ás 17:15 horas, co regreso fixado para as 20:00 horas.

Esta actividade conta con 12 prazas dispoñibles que se irán asignando por orde de inscrición. Para participar, basta con encher o formulario habilitado, que se atopa na parte de abaixo desta información. As inscricións estarán abertas ata o xoves 14 de novembro e terán prioridade as persoas empadroadas en Culleredo.

Os menores de idade terán que ser inscritos polos seus titores legais, engadindo os datos de ambos, mentres que os maiores de idade unicamente terán que facilitar os seus datos persoais. Unha vez finalice o prazo de inscrición, confirmarase a praza o venres 15 de novembro a través de WhatsApp e de correo electrónico.

Formulario de inscrición:

https://docs.google.com/forms/d/e/1FAIpQLSfhYEgCWPhpXCP4MioVARmk8n4wi4O8YWXe0ClASDiJ82gObg/viewform?usp=sf_link