Roteiro Mariñán

Este roteiro ten coma obxectivo principal a conexión entre varios concellos, que no caso de Culleredo tería unha unión co concello de Arteixo por Bregua, seguindo o seu percorrido por Boedo e pasando polo Monte Xalo ata chegar a Folgueira onde se realizará a conexión co roteiro de Carral polo núcleo de Vilaverde.

Datos Roteiro Mariñán:

1. Itinerario: Bregua - Boedo - Cabana - Lamelas - Castelo de Veiga - Pena de Santa Marta - Castelo de Xalo - Folgueira - Xian - Vilaverde.
2. Dificultade: media - baixa
3. Distancia: 17 Km
4. Duración: medio día

Ver Rota: [inline:roteiro marinan.jpg]

Roteiro do Val de Veiga

Este roteiro ten coma principal obxectivo unir os núcleos de Peiro de Arriba e Peiro de Abaixo utilizando os camiños tradicionais da zona, ademais enlaza co Paseo Fluvial do Rego das Xesteiras pasando pola Igrexa de San Silvestre de Veiga (s. SVIII).

No traxecto o camiñante poderá desfrutar do fermoso Val de Veiga cunha forte vinculación ás actividades agrarias e dende o que se visualiza a impresionante formación rocosa do Monte Xalo que deixa ver a riqueza ambiental que posúe este lugar.

Datos Roteiro Val de Veiga:

1. Itinerario: Peiro de Arriba - Peiro de Abaixo - Rego das Xesteiras.
2. Dificultade: baixa
3. Distancia: 2,4Km
4. Duración: 30 min