A Concellería de Cultura do Concello de Culleredo organiza o próximo mércores 28 de xullo de 2010, ás 20.30 h, na Sala de Exposicións "Xosé Rey Lago" dos Muíños de Acea de Ama (O Burgo - Culleredo), o acto de inauguración da exposición colectiva FEITO EN CULLEREDO, II.
No transcurso do acto tomarán a palabra:
Celestino Poza Domínguez, concelleiro de Cultura.
Carlos Pereira Martínez, historiador.
A exposición permanecerá aberta ao público do 28 de xullo ao 3 de setembro de 2010, no seguinte horario:
Luns a venres: de 18.00 a 21.00 h
Sábados: de 12.00 a 14.00 e de 16.00 a 20.00 h
Hai dous anos organizamos, baixo o título de Feito en Culleredo, a primeira exposición que simbolizaba o que representaba o municipio de Culleredo no mundo da arte. "Feito en Culleredo". Foi unha exposición colectiva de artistas que tiñen algún tipo de relación co noso concello: uns naceran aquí, outros tiñan a súa residencia ou tiñan instalado o seu estudo artístico. Todos eles, artistas de moita calidade.
Dende o verán do ano 2000, cando abriu as súas portas a Sala de Exposicións "Xosé Rey Lago", téñense realizado, en diversos espazos (a propia Sala, a Aula de Natureza, o Museo dos Muíños, o Edificio de Servizos Múltiples ou algunha praza pública) 273 exposicións de diverso tipo. Esta é a nº 145 das realizadas na Sala Rey Lago.
A isto temos que engadir, no ámbito docente, a traxectoria das Escolas Culturais Municipais (debuxo, pintura, fotografía...) ou os cursos de gravado calcográfico, así como o Concurso de Pintura "Pintor Argüelles", os Encontros de Pintura e Poesía ou a inclusión da pintura na Feira de Artesanía, Libro e Pintura.
Tamén, ao longo destes anos, houbo unha especial preocupación por apoiar aos artistas locais, sendo xa varios os que realizaron nas nosas Salas exposicións individuais ou colectivas.
Velaquí esta segunda mostra, que incorpora máis artistas, varios deles moi xoves, e que abrangue diversos aspectos das Artes: o debuxo, a pintura, a escultura, a cerámica, a fotografía, o cómic e a poesía.
Relación De Artistas
Pintura: Charo Arriaza, Diana Atchinson, Lola Beade, Tim Behrens, Lidia Carrión, Miguel Anxo Lamela, Vanessa Lodeiro, María Martínez, Miguel Melero, Carlos Montero, Nuria Mosqueira, Carlos Pereira, Isabel Pintado, Tino Poza, Carmen Quiñoá, Beatriz Ruíz, Gosia Trebacz, Luisa Valdés.
Fotografía: Luis M. Iglesias, Xurxo Lobato, Román Montesinos, Pedro Pastor
Escultura: Soledad Penalta, Iria Rodríguez
Cómic: Xurxo García Penalta
Cerámica: Rafael Magán
Poesía: Pablo Bouza, Luz Campello, Miguel Anxo Fernán Vello
Para máis información ver o arquivo que se achega.
Vista previa | Adjunto | Tamaño |
---|---|---|
Díptico exposición Feito en Culleredo II | 154.49 KB |
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER