Mais de 25 veciñ@as de Culleredo portando o seu bonsai asistirán o domingo 6 de marzo a primeira das dúas sesións previstas para o "obradoiro de coidados pra bonsais" que se celebraran os domingos 6 e 20 de marzo de 10´30 a 13´30 h. no Xardín Botánico "Ría Do Burgo", organizados pola Concellería de Cultura do Concello de Culleredo e mestres da asociación cultural "Bonsai Coruña", que ten a súa sede precisamente no Xardín Botánico de Culleredo.

Asistiran mais dos alumnos previstos inicialmente, motivado polo enorme interés que suscitan estes cursos que aprenden a coidar algo tan sumamente delicado como os bonsais, dos que a asociación e experta no seu coidado, obtendo belísimos exemplares.