O Concello de Culleredo organiza un curso de técnica de cómic destinado a pequenos de entre 10 e 13 anos de idade. Terá lugar no Pazo de Villa Melania (Vilaboa) a partires do vindeiro 3 de novembro.

 As sesións, impartidas polo profesor Manuel Rajal, desenvolveranse os xoves de 18.30 a 20.00 horas até o 31 de maio. O custe é de 20 euros ao mes.

Para formalizar a inscrición cómpre dirixirse á Concellaría de Cultura, sita no Edificio de Servizos Múltiples do Burgo ou chamar ao 981 665597.