O Concello de Culleredo chegou a un acordo con Coruña The Style Outlets, o centro comercial instalado en Alvedro, para promocionar o turismo no municipio. A Concellaría de Dinamización Local acaba de colocar un punto de información turística no interior do recinto comercial.

Trátase dun expositor, de tipo xiratorio, que ofrecerá material informativo acerca dos principais atractivos do municipio. Poderase atopar desde información dos espazos naturais e rutas de sendeirismo que os percorren até os monumentos ou lugares de esparexemento que ofrece Culleredo.

Esta acción foi concretada entre o concelleiro de Turismo, Isidro Taibo, e Javier Torralba de la Fuente, xerente do Coruña The Style Outlets. O edil ten claro que os clientes do centro son "potenciais visitantes do municipio".

En efecto, as características do outlet fan que reciba numerosas visitas, non só de veciños de e da área metropolitana, senón tamén de toda Galicia. "O obxectivo é aproveitar esta numerosa afluencia de visitantes para dar a coñecer os recursos turísticos e as actividades do Concello?, afirma Taibo.