O Programa “Ponte a Punto” ten como obxectivos contribuír á mellora das aprendizaxes do alumnado, tentando conseguir o éxito escolar e fomentando a  motivación para o estudo, coa utilización das novas tecnoloxías e dotando ao alumno/a de ferramentas, estratexias e técnicas de estudo para mellorar os hábitos de traballo.

Trátase de incidir nos factores que provocan o abandono escolar e desenvolver actividades que proporcionen unha formación integral ao alumno/a en risco de abandono dos estudos. Ademais de orientar e apoiar actividades encamiñadas ao título de graduado escolar de secundaria

Dirixido ao alumnado e persoas  empadroadas en Culleredo e que estean no 3º ciclo de Primaria (5º-6º), a ESO (1º-4º), PCPI e ESA.

Levaríase a cabo nos centros escolares ou en locais municipais, en horario de 16:00 a 18:00 h nos colexios e institutos

En canto á ESA, solicitar  información.

Os grupos teñen que ter un mínimo de 6 alumnos/as  

Información
Departamento Municipal de Educación, Edificio do Conservatorio de Música, Rúa Andrés Pan Vieiro, 30, planta -1, en horario de 9 a 14 h, de luns a venres.
 Máis información no teléfono 981 66 12 08.
educacion@culleredo.org