O Concello de Culleredo, dende a Concellaría de Educación, oferta un obradoiro de lingua de signos de nivel básico. Dito obradoiro é de carácter gratuíto e desenvolverase no edificio de Servizos Múltiples do Burgo do 10 ao 21 de decembro de 2012, entre as 19:30 e as 21:30 horas.

O número de prazas ofertadas é de 15 e prevalecerá como criterio de admisión a orde de inscrición, tendo preferencia os/as empradroados/as no concello de Culleredo.

A inscrición farase dende o luns 19 de novembro ata cubrir as prazas, en horario de 9:00 a 14:00 horas no Servizo Municipal de Educación, na rúa Andrés Pan Vieiro, 30, planta -1, no edificio do Conservatorio, ou no teléfono 981 661 208.