A Coral e o Grupo instrumental municipal de Culleredo actuaron no Salón de actos do Conservatorio, para o alumnado de 1º e 2º de Educación Primaria dos colexios Díaz Pardo, Ría do Burgo, Sofía Casanova e Tarrío (un total de 235 nenos e nenas de 6-8 anos).

Tratouse da V edición do Concerto Didáctico de Primavera, e nel interpretaron diversas pezas tradicionais galegas e mesmo invitaron a parte dos nenos a colaborar cos diversos instrumentos nalgunhas cancións e interpretando o estribillo da derradeira.

Este tipo de actividades, ofertadas pola Concellaría de Educación de Culleredo a todos os centros escolares, en colaboración coa Concellería de Benestar, pretenden espertar o interese pola música, e dar a coñecer pezas musicais populares ao alumnado de Culleredo.

Os nenos desfrutaron aplaudindo, cantando e bailando cos maiores cullerdenses.