O Concello de Culleredo celebrou o sábado o tradicional Encontro de Corais. Os membros das diferentes corais e numeroso público reuníronse no auditorio do Conservatorio Municipal de Culleredo para escoitar as interpretacións.

Nesta ocasión, no encontro xuntou ás seguintes corais:

• Agrupación de Voces Veteranas de Culleredo
• Coral A Lembranza de Sada
• Coral Polifónica Estradense

Cada unha das agrupacións interpretou tres cancións. Ao finalizar o acto, a concelleira de Benestar Social, Lupe Pombo, entregou unha Torre de Celas a cada coral como recordo da súa participación no encontro.

Despois, o Concello ofreceu un petisco saudable para celebrar o encontro.