O colexio de Tarrío celebrou o pasado sábado o seu 40 aniversario coa VIII Tarriomería, evento que reúne cada ano por centos de persoas entre pais, alumnos, ex alumnos, veciños e amigos do centro.

Desde pola mañá, as instalacións do colexio acolleron exhibicións de patinaxe, karate, aerobic, judo, ou ballet; inchables; talleres de maquillaxe, decoración, manualidades, bonecos de la, pulseiras ou fotografía; actuacións musicais; comida de confraternización; master class de zumba ou a actuación dun mago.

Nesta edición, o evento incluíu a inauguración da exposición "40 anos do noso colexio", con fotos de recordo desde o nacemento do centro.

O CEIP organizou este festexo, coa colaboración do Concello, para conmemorar ademais a finalización do curso. Centos de persoas encheron como cada ano as súas instalacións na Tarriomería.