O goberno municipal de Culleredo lanza un programa específico de actividades para os mozos. E para facilitar a súa participación, o Concello decidiu que sexan gratuítas.

Desenvolveranse todos os venres deste trimestre, desde o 17 de outubro ata o 19 de decembro. Terán lugar no centro social de Fonteculler.

O concelleiro de Xuventude, Juan Carlos Lovelle, explica que as modalidades elixidas responden os centros de interese dos mozos. Son as seguintes:

• Zumba, en horario de 19.00 a 20.00 horas
• Manualidades creativas. Inclúe opcións como o scrapbooking, bixutaría artesanal, miyuki, swarosvki, marcapáginas orixinais e origami. Horario: de 18.00 a 19.00 horas.

Para participar nas actividades é necesario inscribirse previamente ata o día 14 no Centro Municipal de Emprego "Pablo Picasso". Pódese contactar por teléfono no 981 664 204 ou no correo electrónico cipax@culleredo.org.

Todas as actividades diríxense a mozas de 14 a 17 anos de idade.