O Concello de Culleredo presentou a acta de arqueo no pleno de constitución da Corporación, de acordo co disposto polo artigo 36.2 do Real Decreto 2568/1986, polo que se aproba o Regulamento de organización, funcionamento e réxime xurídico das Entidades Locais.

De acordo co decreto, "os Secretarios e Interventores tomarán as medidas precisas para que o día da constitución das novas Corporacións Locais se efectúe un arqueo e estean preparados e actualizados os xustificantes das existencias en metálico ou valores propios da Corporación, depositados na Caixa Municipal ou entidades bancarias".

A acta de arqueo desprende que o Concello de Culleredo conta con 8.820.235,69 euros en total nas súas contas bancarias.