O Concello de Culleredo lanza un programa específico de actividades para os mozos. E para facilitar a súa participación, o equipo de goberno decidiu que sexan gratuítas.

Desenvolveranse os venres no centro social de Fonteculler. O Concello busca modalidades que responden os centros de interese dos mozos. Son as seguintes:

• Zumba, en horario de 20.00 a 21.00 horas. Terá lugar desde novembro a xuño.
• Breakdance, tamén en horario de 20.00 a 21.00 horas nos meses de novembro e decembro.
• Obradoiros de Samaín. Serán o venres 30, de 17.00 a 20.00 horas. Comprenderá:
  • Maquillaxe, caracterización e efectos especiais
  • Decoración terrorífica
  • Complementos terroríficos: unllas de medo

Para participar nas actividades é necesario inscribirse previamente ata o día 29 no Centro Municipal "Pablo Picasso". Pódese contactar por teléfono no 981 664 204, no 620 008 450, ou no correo electrónico cipax@culleredo.org. Todas as actividades diríxense a mozas de 14 a 18 anos de idade.

Ademais destas actividades, o Concello de Culleredo organiza o sábado 31 de outubro, en horario de 20.00 a 23.00 horas, na polideportivo Ría do Burgo, a Festa do Samaín. Está dirixida a mozos de 14 a 21 anos.

O Concello recomenda aos asistentes que acudan disfrazados. Para acudir é necesario inscribirse no mail cipax@culleredo.org antes do día 30.