ES / GL

Culleredo informa sobre o novo bono social eléctrico

5 Abril, 2018. 18:01

O Concello de Culleredo e a Fundación “Gas natural Fenosa”, impartirán o luns 9 de abril 3 talleres informativos dirixidos a toda a cidadanía. Os talleres teñen como obxectivos os de aprender a ler e optimizar a factura de luz e gas natural, establecer hábitos de consumo eficientes, e coñecer as axudas que hai a disposición dos/as veciños/as.

Esta actividade enmárcase dentro dos obxectivos de apoio ás familias do departamento municipal de servizos sociais e do proxecto de “Acciónsocial - Escuela de energía” da Fundación, e será impartida por especialistas na materia.

Ademais dun primeiro obradoiro dirixido ao persoal técnico municipal, desenvolveranse dous mais, un na zona rural que terá lugar no Centro Social Municipal Amparo Prego Ruibal de Celas, en horario de 16:00 A 17:30 h, e outro na zona urbana, de 18:00h a 19:30h no Pazo de Vila Melania (Vilaboa).

Nos talleres, as persoas asistentes poderán resolver as súas dúbidas sobre as súas facturas, por elo recoméndase que traian a súa factura de luz ou gas.