O Concello de Culleredo abre hoxe, e ata o 5 de decembro, o prazo para anotarse nos Campamentos de Nadal. Terán lugar os días 26, 27 e 28 de decembro, e o 2, 3, 4 e 7 de xaneiro de 2019, no CEIP  Isaac Díaz Pardo. Con horario de 9:00 a 14:00 horas e de luns a venres, están dirixidos a nenas e nenos entre 3 e 12 anos. Hai 80 prazas dispoñibles e teñen preferencia os rapaces empadroados no Concello de Culleredo. Para formalizar a inscrición, farase unha matrícula que se entregará no edificio de Servizos Múltiples do Burgo entre hoxe, 26 de novembro, e o 5 de decembro, de luns a venres en horario de 9:00 a 14:00 horas. Nesta nova atópase adxunto dito documento en formato .pdf.