O Concello de Culleredo, a través da Concellaría de Cultura e do Servizo de Normalización Lingüística, e coa colaboración da Deputación da Coruña, vén de publicar un desplegable cheo de xogos e cómics baixo o nome 'O teu Nadal en Culleredo' dirixido aos máis pequechos da casa.
A publicación ten como obxectivo a divulgación e posta en valor da tradicional figura galega do Apalpador, o carboeiro de barba e bigote laranxas que baixa das montañas durante o Nadal e trae a nenas e nenos castañas e agasallos.
Xunto a el, aparecen no folleto outras personaxes imprescindibles destas datas como os Reis Magos, o Carteiro Real ou o Home de Xenxibre, así como tamén a Dragona Ramona e a garza Mariña, habituais xa na programación infantil da Concellaría de Cultura. Podes recoller o teu despregable no edificio de Servizos Múltiples, así como noutras dependencias municipais ou descargar o arquivo adxunto nesta nova.
Vista previa | Adjunto | Tamaño |
---|---|---|
o_teu_nadal_en_culleredo_1.pdf | 2.02 MB | |
o_teu_nadal_en_culleredo_2.pdf | 1.68 MB |
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER