O Concello de Culleredo acaba de licitar o proxecto de pavimentación na rúa Seara ata Cillobre, As  Barreiras e As Reixas por un total de 60.440, 89 euros. O obxectivo primeiro das obras é mellorar a plataforma existente para o tráfico rodado, optimizando así as conexións e mellorando a seguridade viaria.

Para iso, incorporarase unha nova capa de rodadura de 3 centímetros de espesor para dotala dunha óptima calidade tanto superficial como estrutural, conseguindo así lograr a comodidade e seguridade que se esixe neste tipo de viais, que forman parte da Rede de Camiños Públicos.

Á súa vez, executarase unha nova sinalización horizontal consistente en novas marcas viarias de 15 centímetros de ancho en ambas as marxes das vías.