O Concello de Culleredo está a levar a cabo un plan de melloras da seguridade viaria nas zonas escolares do municipio. As primeiras medidas xa están a funcionar, mentres o Concello continúa con obras noutros puntos.

Os traballos avanzan en Vilaboa, na contorna do CEIP Sofía Casanova. En cálea Condes de Andrade, ampliáronse as beirarrúas e elevouse o paso de peóns xunto ao acceso ao parque deportivo de Acea de Ama, de importante afluencia diaria.

Desta forma favorécese a accesibilidade e obrígase á redución da velocidade dos vehículos. Tamén se instalaron sinais indicativos de advertencia peonil con iluminación LED e rotuladas coa lenda “Zona Escolar”. E no Burgo tamén se realizaron na rúa Moncho Reboiras.

O Concello aumentou a plataforma peonil nun traxecto moi empregado polo alumnado do CEIP Isaac Díaz Pardo. Tamén en Vilaboa desenvolverase posteriormente o proxecto en Domingo Sierra e prosegue na rúa Calzada, para proporcionar unha entrada e saída adecuada ao alumnado do CEIP.

Na primeira elevaranse os 3 pasos de peóns e no caso da rúa Calzada, será peonalizada, coa disposición de pavimento en lastra, permitindo o seu acceso só a residentes. En Acea de Ama, na avenida de Rutis, están a concluírse tamén as actuacións en varios pasos de peóns.

A finalidade é garantir a entrada sen riscos no IES Rego de Trabe ou no CEIP Vila de Rutis.