O Concello de Culleredo procederá mañá para cortar o tráfico na avenida de Rutis, entre a entrada do supermercado EROSKI e a glorieta coa rúa Vicente Risco, debido ás obras de condución principal de abastecemento Alvedro-Monte Mero no tramo do IES Universidade Laboral.
Será efectivo desde as 9:00 horas de mañá, martes 25 de xaneiro, e proponse como alternativas á circulación de vehículos as vías contiguas ao centro de saúde. Non se limitará o tránsito para peóns e colocaranse unha serie de sinais para advertir do mesmo.
A duración estimada dos traballos será de 5 días, que serán executados por EMALCSA. Poden ter influencia no sistema de abastecemento xeral, xa que dotan do servizo tanto á cidade como á súa comarca.
Corte no acceso ao Centro Social de Celas
Así mesmo, tamén se procedeu esta mesma mañá ao corte da rúa que dá acceso ao Centro Social de Celas, con motivo da pavimentación da calzada, que se executa dentro das obras de mellora e adecuación do inmoble. Será efectivo tanto hoxe, 24 de xaneiro, como mañá, martes 25 do mesmo mes.
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER