Por resolución do 7 de decembro de 2022, da Concelleira delegada de Participación Cidadá, Educación e Medio rural do Concello de Culleredo, aprobouse a convocatoria pública de subvencións municipais, destinadas a asociacións e entidades sen ánimo de lucro do termo municipal de Culleredo para a reactivación do tecido asociativo e para atender as necesidades xurdidas como consecuencia da crise sanitaria provocada pola Covid 19.

Para a súa solicitude está habilitado un trámite específico na sede electrónica, ao que se pode acceder premendo no seguinte enlace: Solicitude subvención

Tendes na información do trámite os documentos que debedes cubrir e adxuntar á solicitude, que poderedes realizar premendo "Tramitar" na mesma páxina do trámite. Estes documentos tamén os tendes adxuntos nesta publicación.

Na solicitude permite adxuntar un máximo de 10 documentos, polo que aqueles que non poidan ser entregados na solicitude inicial deberán presentalos nunha nova solicitude, tramitada dende a mesma páxina anterior, onde se faga constar nas observacións o número de rexistro que apareza na solicitude orixinal. Tamén podedes presentar os arquivos adicionais como un arquivo comprimido rar ou zip.