O Concello de Culleredo inaugurou esta mañá un novo programa de emprego nas especialidades de carpintería e operacións básicas de revestimentos lixeiros, baixo a denominación de Culleredo Activo II. Permitiu a contratación de 25 persoas en conxunto co Concello da Coruña. Está financiado pola Consellería de Promoción de Emprego da Xunta de Galicia. No que ten que ver con Culleredo, son 14 as alumnas e alumnos empadroados e empadroadas no municipio.

Do total de alumnas e alumnos, 10 corresponden á especialidade de traballos en carpintería e moble, e outros 10 á de operacións básicas de revestimentos lixeiros e técnicos en construción. As 5 que restan forman parte do equipo directivo.

En canto ao persoal, o Concello contratou a un director/a de o obradoiro, un docente de cada unha das especialidades, un titor e un auxiliar administrativo. A xefa de servizo da área de Emprego, Isabel Buján, deulles a benvida esta mañá nunha das aulas do Centro de Formación e Emprego Pablo Picasso.