ES / GL

Costas instala baixo a pasarela da lagoa de Fonteculler unha tubaxe para engadir sedimentos novos no estuario

22 Febrero, 2024. 13:55

A Demarcación de Costas do Estado emprendeu esta mañá uno dos últimos pasos na rexeneración ambiental da ría do Burgo. Un gran guindastre, visible desde toda a contorna do estuario, traballa hoxe na renovación de sedimentos da lagoa de Fonteculler.

Unha vez rematen os traballos nesta zona, procederase á reparación da pasarela. A intervención está exposta dentro do proxecto de dragaxe ambiental nas accións de optimización de servizos.

O Concello de Culleredo mantén contactos con Costas para a realización da mellora integral do paseo unha vez rematadas as obras de rexeneración. Entre as actuacións previstas atópase a reparación de lousas, das zonas verdes, a balaustrada e demais espazos comúns.

Corte no paseo

Por traballos tamén vinculados a este proxecto, procederase ao corte de tránsito peonil e ciclista na parte do Paseo Marítimo coincidente coa estación de bombeo de Acea de Ama, xunto ao xardín botánico, ofrecendo como alternativa a propia beirarrúa da avenida Juan Carlos Primeiro.