O paseo marítimo do Burgo será escenario o próximo 10 de xuño da VII Carreira pola Ría do Burgo, cita que cada ano acolle a un maior número de runners de toda Galicia. A proba está organizada polo Concello de Culleredo e inclúese no circuíto de carreiras populares da Deputación da Coruña, contando coa colaboración da Federación Galega de Atletismo.
A inscrición para a carreira estará aberta ata o martes 5 de xuño e deberá formalizarse na web www.carreirasgalegas.com.
Como vén sendo habitual, a proba contará con distintas categorías para fomentar a participación da cidadanía. A categoría absoluta constará dun percorrido de 10 quilómetros pola zona verde do paseo do Burgo, unha da maiores da área metropolitana.
Para menores haberá categorías de xuvenil, cadete e infantil, cun trazado de 2 quilómetros, e alevín e benxamín, dun quilómetro. Tamén haberá unha carreira simbólica para os máis pequenos, das categorías prebenxamín e pequerrecho, xa sen clasificación.
A medición de tempos levarase a cabo mediante chips nos dorsais que se poderán recoller previamente. Haberá avituallamientos ao final e en metade da carreira.