A Concellaría de Sanidade de Culleredo, dirixida por Carmen Varela Corbelle, colabora cos profesionais do Centro de Saúde de Acea de Ama para asistir ao curso de intervención en situacións de emerxencias e catástrofes comunitarias: "Crisis Task Force Training 2011", considerado como o mellor curso destas características a nivel de España.

Médicos de familia, pediatras, enfermeiros e celadores do Centro, participarán desta formación. Para o concello, colaborar con esta iniciativa responde ao desexo de contar cos mellores profesionais no ámbito das emerxencias sanitarias e prestar deste xeito a mellor atención aos veciños.

O curso terá lugar en Sevilla, no antiguo acuartelamiento de Alcalá de Guadaira, os días 26, 27 e 28 de abril. Está organizado pola Universidade de Sevilla, o 061, a Junta de Andalucía, e a Cruz Vermella, e ten como reto principal o de desplegar un dispositivo de emerxencia nunha situación de crise extrema, e nun tempo limitado de 3 días, tempo nos que os alumnos permanecerán aillados.