O aeroporto de Alvedro acollerá mañá, martes 29, unha nova reunión da Comisión de Seguimento do Plan de Illamento Acústico, que pretende o illamento acústico das vivendas da contorna do aeroporto que soportan máis de 30 decibelios en dormitorios e dependencias. Na primeira fase que actualmente se executa abórdanse os casos incluídos na isófona entre 50 e 65 decibelios.

Ao longo do ano en funcionamento do Plan de Illamento Acústico, o Concello de Culleredo detectou diversas situacións que tivo coñecemento por parte dos afectados e que mañá na reunión da comisión, o alcalde, Julio Sacristán, porá sobre a mesa.

En primeiro lugar, obsérvase unha certa lentitude na tramitación de expedientes e na súa resolución. Os usuarios consideran que pasa moito tempo desde o inicio do expediente até a súa aprobación para a execución dos traballos oportunos. O rexedor solicitará unha "maior axilidade" na avaliación de cada caso con dereito a insonorización.

Moitos propietarios de inmobles afectados non entenden os criterios que aplica a Aena para avaliar a necesidade de insonorización. Existen situacións similares de vivendas onde os resultados da medición son distintos, dándose o caso  de que dúas vivendas contiguas  con construción igual e ventás similares.

Segundo Aena, nunha delas os resultados da medición indican a necesidade de insonorizar e na outra non. Dado que se trata de casos totalmente ilóxicos, o Concello reclamará mañá a revisión destes expedientes xa que non parecen estar valorados de forma correcta.

Os veciños tampouco entenden que se lles obrigue a pór dobre ventá. Trátase dun sistema que xera incomodidade para a súa limpeza e ademais non se respecta a estética das xanelas existentes. O goberno local ten a impresión de que en ocasións se moven e adoptan as decisións só por criterios económicos, co obxectivo de gastar o menos posible sen ter en conta as necesidades dos afectados. O Concello solicitará novamente na reunión a modificación dos proxectos para que non se obrigue a esta medida.

O alcalde confía en que a Comisión "atenda" as peticións que formulará o goberno municipal dado que se basean en "formulacións e necesidades expresadas polos cidadáns". Sacristán espera que o ritmo do plan mellore de maneira sensible, dado que pasado este ano de funcionamento, dos 107 inmobles contemplados nesta primeira fase, só 4 completaches o seu illamento acústico.
 
O Plan de Illamento Acústico contempla 1.981 vivendas, como susceptibles de ser insonorizadas, ao atoparse dentro da pegada sonora do aeroporto. Até a reunión anterior celebrada o 14 de febreiro de 2012, a situación era a seguinte: