O Concello de Culleredo conclúe as negociacións emprendidas coas empresas que prestan servizos no Concello co obxecto de lograr unha rebaixa nos gastos que supoñen ás arcas municipais. Froito das xestións realizadas polo goberno local que preside Julio Sacristán conseguiuse unha redución nos custos de 816.013,13 euros ao ano.
 
En concreto, o equipo de goberno, dentro do Plan de Axuste aprobado polo pleno, propuña a rebaixa do prezo nos servizos de: xardinaría, limpeza viaria, limpeza de edificios municipais e colexios, e mantemento eléctrico en 800.000 euros. Agora, apenas dous meses despois da aprobación do devandito plan, dita rebaixa nos custos conseguiuse mediante negociación coas empresas adxudicatarias dos servizos.

As reducións nos gastos son as seguintes:
 

	Antes (euros)	Agora (euros)
Limpeza viaria	502.835,75	376.897,00
Limpieza de edificios	685.080	431.010
Parques e xardíns	1.042.936,08	730.055,26
Mantemento eléctrico	410.411,88	287.288,32

 
O Concello de Culleredo continúa negociando a redución do custo doutros servizos e espera a finais de mes de xuño ter concluídas as negociacións. O obxectivo do Plan de Axuste é reducir 1.500.000 euros o custo de todos os servizos e o persoal.
 
En canto ás negociacións co persoal, o goberno local explica que avanzan de forma positiva, e espérase alcanzar un acordo cos colectivos afectados antes de 15 días, así como cos sindicatos e a mesa de negociación. Devandito acordo levará consigo a modificación da Relación de Postos de Traballo.

Previamente á aprobación do plan de axuste, o Concello de Culleredo alcanzou un acordo co Comité de Empresa que contempla que non se efectuará ningún tipo de despedimento, mentres que os traballadores mostraranse receptivos á mobilidade de postos de traballo e á redución de horas nos servizos non esenciais como o Conservatorio de Música, así como a non efectuar substitucións de baixas nin de xubilacións.

O alcalde de Culleredo apunta que se confeccionou un plan de axuste "moi elaborado e que promove o aforro en todas as áreas municipais". O rexedor destaca que o Concello optou por non considerar a vía de prescindir de persoal para lograr a redución de gastos.

"Queremos ser sensibles coa situación laboral do país polo que a nosa prioridade foi sempre a de evitar despedimentos", afirma. Sacristán anuncia que o Concello executará un "control exhaustivo" do gasto corrente "mes a mes" para garantir o aforro.