O Concello de Culleredo informa de que a asociación cullerdense Alma, coa que colabora en materia de sanidade, cambia a ubicación dos servizos que veñen prestando no municipio desde o ano 2008. Do Centro social de Costa da Lonxa pasan a desenvolverse no novo Centro social de Fonteculler, situado na praza de Castelao da localidade.

Alma e a Concellaría de Sanidade de Culleredo ofrecerán alí as seguintes iniciativas:

• Grupos de apoio de lactancia, dirixidos a embarazadas e nais e pais. Estes grupos desenvolveranse os primeiros e terceiros mércores de cada mes, en horario de 18:00 á 20:00 horas.
• Grupos de apoio á crianza, que constitúen un novo espazo de encontro das familias no que poder compartir dúbidas, experiencias e inquietudes sobre a crianza dos seus fillos e fillas menores de 5 anos. As sesións desenvolveranse os segundos e cuartos mércores de cada mes, en horario de 18:00 a 20:00 h. Para esta actividade é necesaria a inscrición previa.

En ambas actividades son benvidos as nais e pais acompañados cos menores.

Mais información na web: almalactancia.blogspot.com, ou contactando con Alma a través da dirección de correo electrónico almalactancia@gmail.com