Con motivo do Día Mundial do Cancro, o vindeiro día 4 de febreiro, a Concellaría de Sanidade, no marco do convenio que o Concello de Culleredo ten coa Asociación Española de afectados por linfoma, mieloma e leucemia (AEAL), invita aos cidadáns a participar na actividade "Formación en cáncer 2.0",  que desenvolve o Grupo Español de Pacientes de Cáncer (GEPAC), do que AEAL forma parte.

O acceso a unha información rigorosa e comprensible faise imprescindible para a mellora da calidade de vida en pacientes con cancro e nos seus familiares, ademais capacítaos tamén para a toma de decisións.

As actividades, que están organizadas e dirixidas aos afectados e afectadas dun cancro, e que poderán seguirse desde a casa polas webs www.gepac.es/dmcc2013/ e www.culleredosanidade.org, son un conxunto de 12 seminarios online que se desenvolverán entre o 4 e 8 de febreiro. As temáticas a tratar, coas correspondentes datas e horarios son as seguintes:

• Cancro de próstata: aspectos médicos e tratamento, o 4 de febreiro, de 16:30 a 17:45
• Factores hereditarios do cancro, o 4 de febreiro, de 18:00 a 19:15
• Mellorando a memoria tras os tratamentos,  o 4 de febreiro, de 19:30 a 20:45
• Reaccións emocionais tras o diagnóstico dun cancro, o 6 de febreiro de  16:30 a 17:45
• Incapacidades laborais en pacientes con cancro, o 6 de febreiro de  de 18:00 a 19:15
• Perspectiva de futuro no tratamento de enfermidades oncohematolóxicas, o 6 de febreiro, de 19:30 a 20:45
• Trombose e cancro, o 7 de febreiro de  16:30 a 17:45
• Fertilidade en pacientes con cancro, o 7 de febreiro de  de 18:00 a 19:15
• Cancro de pel: tipos e tratamento, o 7 de febreiro, de 19:30 a 20:45
• Cancro de mama metastásico, o 8 de febreiro de  16:30 a 17:45
• Tratamento do cancro de colon metastásico, o 8 de febreiro de  de 18:00 a 19:15
• Comunicación na familia, o 8 de febreiro de 19:30 a 20:45