O Concello de Culleredo contará no ano 2013 cun forte investimento para a realización de obras ao longo do municipio. Serán un total de 26 actuacións, que se executarán a través de diversos planes e de financiamento municipal, sumando unha contía total de 1.452.220,97 euros.

O alcalde de Culleredo, Julio Sacristán, apunta que o factor común de todas estas actuacións atópase en que son traballos “necesarios”, programados en torno ao detectado polos servizos municipais e ás demandas trasladadas polos veciños.

O primeiro edil explica que a decisión do equipo de goberno consistiu en “centrar os esforzos económicos nas principais prioridades para os cidadáns, é dicir, os servizos básicos”. Así, a mellora na ampla rede viaria local centra sobre a metade do investimento (uns 750.000 euros). Con estas actuacións, o Concello repara os deterioros surxidos co paso do tempo nas estradas de diferentes parroquias e núcleos urbanos.

Na programación destas obras atópase a mellora de importantes viais, coma a rúa do Polvorín, que permite a conexión entre A Zapateira e Vilaboa, diversas reparacións nas rúas peonís do Burgo, foco comercial do municipio, ou a pavimentación en rúas entre O Burgo e Vilaboa coma Cordeda.

A mellora da seguridade para os peóns tamén leva unha importante contía. O Concello efectuará reparacións en xeral das beirarrúas. Ademais, mellorarase a ponte peonil sobre a ría, moi transitada por paseantes ou deportistas, e a senda peonil da Corveira.

En canto a servizos para o cidadán, prográmase a creación dun aparcadoiro no xardín botánico ou a mellora do centro social de Celas. O incremento do saneamento e a mellora do abastecemento de auga é outra das prioridades do Concello.

OBRAS INCLUÍDAS NO PLAN DTC-94

• Pavimentación núcleo de Orro:  30.288,30
• Beirarrúas na rúa Xafontes: 41.008,87
• Asfaltado rúa Os Templarios: 35.205,56
• Diversas pavimentacións no Burgo, Celas e Culleredo: 37.388,44
• Reparacións de beirarrúas e reposición de papeleiras: 49.996,23
• Reparacións nas rúas Hersa e Sanjurjo de Carricarte: 31.232,10
• Reparación senda peonil na Corveira: 31.107,22
• Diversas reparacións en pasarelas, ponte do paseo marítimo: 34.209,43
• Reparación de beirarrúas e asfaltado da rúa Conde Trabe: 37.297,73

TOTAL: 327.733,88 

FINANCIACIÓN LOCAL

• Instalación da rede de pluviais en San Xiao: 23.597,61
• Instalación rede de pluviais en Choeira e Bo Home: 68.105,18
• Instalación novo sistema desbroce EDAR de Fonteculler: 75.467,00
• Pavimentación Avda. de Cordeda e Curros Enríquez: 32.823,96
• Pavimentación de O Cruceiro a Cornedo: 50.775,89
• Aparcadoiro en Xardín Botánico: 40.000
• Cambio de ventanais no Centro Social de Celas, Escola de Celas e arranxo desta: 87.350,00

TOTAL: 378.119,69

POS 2012

• Pavimentación e renovación de auga potable en Mosteiro de Sobrado e rúa Laberinto e entorno: 50.230,34
• Pavimentación rúa Polvorín: 72.768,30
• Pavimentación de Vinseira Grande e Donepedre: 50.772,27
• Pavimentación e saneamento en Os Condes e Boedo: 64.379,14
• Pavimentación de Sésamo a Ledoño por Brimians: 30.103
• Instalación de saneamento en Orro, Joaquin Sorolla, Almeiras e Vinseira Grande: 59.997,37

TOTAL: 336.117,73

POS 2013

• Remodelación do firme e da recollida de pluviais  na rúa Estreita, en Vilaboa: 157.889,66
• Renovación da rede de auga potable en Rumbo, Liñares e O Cubo. Mellora do grupo de presión no monte Alfeirán e na Garrocha: 108.622,73
• Pavimentación e saneamento en Peiro de Arriba e Morteiral, e pavimentación en As Barreiras e en O Cubo: 68.794,19
• Mellora da eficiencia enerxética por centralización de puntos de luz a consumo libre e supresión das farolas de vapor de mercurio: 74.943,14

TOTAL: 410.249,72