A compañía de distribución alimentaria Vegalsa-Eroski celebrou no seu centro de Acea de Ama o inicio da campaña conmemorativa do Día das Letras Galegas, que lembra esta edición a Roberto Vidal Bolaño. O alcalde de Culleredo, Julio Sacristán, participou na simbólica pegada de carteis no centro, que marcan o comezo da campaña, acto presidido polo conselleiro de Cultura, Jesús Vázquez.

Na súa intervención, o rexedor repasou a vinculación do autor con Culleredo, coa representación de diferentes obras teatrais no Edificio de Servizos Múltiples do Burgo.

Ademais do alcalde, no acto participaron o primeiro tenente de alcalde, José Ramón Riobóo, a concelleira de Cultura, Alicia Ferreiro, e a concelleira de Educación, Carmen Varela.

Sacristán agradeceu a Eroski ter elixido Culleredo como punto de lanzamento desta campaña que reforza o papel galego da empresa.