O Concello de Culleredo informa os residentes nas rúas Hersa e Sanjurjo de Carricarte do cambio na xestión dos residuos. Desde agora, os veciños deben depositar o lixo nos novos colectores instalados na avenida de Ribados. Os colectores soterrados da confluencia de Hersa e Sanjurjo de Carricarte quedaron precintados e fóra de uso.

Trátase dunha medida acordada entre os veciños e o Concello de Culleredo para evitar a entrada dos camións nas rúas peonís e que danen o firme, como xa sucedeu e obriga agora á renovación das baldosas danadas.

O concelleiro de Medio Ambiente, Obras e Servizos, Narciso Marzoa, indica que xa está en funcionamento un recinto específico na avenida de Ribados. Alberga por agora 12 colectores de inorgánico, 4 de orgánico e un de papel e cartón, aínda que se pode incrementar o número se é necesario, apunta.

Este novo recinto dará tamén servizo a parte dos residentes en Costa dá Lonxa, ao concentrarse neste novo recinto os puntos de recollida, sinala Marzoa.