O goberno de Culleredo prosegue coa súa oferta de servizos sanitarios, en coordinación con diferentes asociacións radicadas no municipio. A Asociación Española de Afectados por Mieloma, Linfoma e Leucemia (AEAL), coa colaboración do Concello de Culleredo leva a cabo, dentro do seu programa de actividades, un grupo de apoio psicolóxico dirixido a afectados por cancro e familiares.
 
As reunións, que están conducidas por un psicólogo experto nas devanditas doenzas, celébranse con periodicidade quincenal (o segundo e terceiro xoves de cada mes), no Centro de servizos sociais de Vilaboa, sito na rúa Domingo Sierra, ás 20.15 horas. Estas sesións son totalmente gratuítas.
 
Todos os interesados poden atopar máis información chamando ao teléfono da asociación 686.731. 648 ou á Concellaría de Sanidade de Culleredo no 981.65.45.70.